Ailddysgu

Sunday 29 April 2012

O'r Tŷ Gwydr ac edrych ymlaen i'r clwb darllen


Mae o wedi bod yn bwrw trwy'r ran fwyaf o'r penwythnos, ac yn wyntog iawn hefyd.  Roedden allan yn Rhydychen, ddoe, yn mynd i briodas a cawsom ddiwrnod hyfryd, ond r'oedd yn bwrw'n drwm yn aml ac erbyn y nos roedd y gwynt wedi codi.  Heddiw tawelodd y gwynt, ond roedd y glaw yn barhau - ond cawsom hoe bach o'r glaw p'nawn 'ma. a rŵan mae'r haul allan.  Ond ar ôl yr holl sychder, mae na beryg o lifogydd, rŵan.

Felly dim y tywydd i arddio tŷ allan yn sicr!  Ond dwi wedi bod yn y tŷ gwydr yn symud y blanhigion tomato a pupur fach i botiau dipyn mwy, a hefyd yn dyfrio.  Fel gwelir yn y lluniau, mae'r planhigion salad yn dod ymlaen yn dda - a dwi newydd gwasgaru hadau sbigoglys er mwyn ei cael mewn salad gwyrdd.


Dwi am fynd i'r clwb darllen yn y ganolfan Cymraeg yn Llundain nos 'fory - edrych ymlaen

Monday 23 April 2012

O’r ardd: y bwlch bwyta





Mae’r adag yma o’r flwyddyn yn cael ei alw “The Hungry Gap” yn Saesneg, oherwydd mae cynyrch y gaeaf wedi gorffen a dydi llysiau y gwanwyn a’r haf ddim yn barod eto.  Dwi ddim yn tyfu llawer o lysiau ar gyfer y gaeau: fel arfer mae gennyn ni panas (ond mae rheiny yn gorffen o gwmpas mis Chwefror, dydyn nhw ddim yn cadw llawer ar ol hynny); cennin (wrth gwrs) sy’n mynd trwy’r gaeaf hyd at Ebrill – a dyn ni wedi bwyta’r un olaf yn ddiweddar, a wedyn sbigoglys – ond dydy’r hen planhigion ddim yn gwneud mor dda, rŵan a mae’r hadau newydd heb ddod i fynny.  Mae ‘na dipyn o “sprouting broccoli” ar ôl ond fel gwelir mae'r planhigion yn llawn o "aphids".

Ond mae’r dail salad yn dod ymlaen yn dda iawn.  Yr unig broblem ydy ar ol cael tywydd mor braf ym mis Mawrth – rwan mae o’n wlyb (ond dwi ddim yn cwyno – dyn ni angen y dŵr) ond hefyd yn oer.  Felly dach chi ddim yn teimlo fel bwyta salad gymaint.

Mae’r lluniau yn dangos rhai o’r pethau eraill sy’n digwydd yn yr ardd.  Digon o benbyliaid.  A hefyd, er ei fod yn oer, pan mae’r haul allan a mae hi’n cynesi rhywfaint, mae ‘na ddigon o wenyn hefyd.  Mae nhw’n hoff iawn o’r comfrey, a hefyd o’r blodau ar y coed ffrwythau.  Mae o’n dda iawn cael cyfres newydd o Byw Yn Yr Ardd yn ôl ar S4C hefyd.

Thursday 12 April 2012

Y Llwybr

Dwi wedi gorffen darllen tri lyfr yn ddiweddar: Barato, gan Gwen Pritchard Jones, Y Tŷ Ger Y traeth, a heddiw dwi wedi gorffen ailddarllen Y Llwybr gan Geraint Evans. Mi ddoi yn ol i’r ddau lyfr arall mewn blog arall ond dwi am sôn am Y Llwybr yn y flog hwn.

Dwi wedi ei ailddarllen achos dwi am fynd i’r clwb ddarllen yn y Ganolfan Gymraeg yn Llundain ar ddiwedd y mîs. Me ddarllenais y llyfr dipyn o amser yn ôl (dwy flynedd efallai?). Felly roedd rhaid i fi ei ddarllen eto i gofio be ddigwyddodd. Ond gan mai llyfr ditectif ydy’r LLwybr, roeddwn eisiau gwybod os fyddai’r llyfr yn cydio’r tro yma oherwydd r’on i’n gwybod ‘pwy naeth’ ond doeddwn i ddim yn cofio’r manylion eraill. A do, mi wnes i ei fwynhau yr ail dro hefyd. Roedd yn syndod i fi faint roeddwn wedi anghofio.

Felly be oeddwn yn mwynhau am y llyfr? Mae’r cymeriadau yn gredadwy – ac yn hoffus: yr Arolygydd, Gareth, a’i cydoedion Mel? a Clive Akers. Mae na dipyn o densiwn rhwngddyn nhw ond dim gormod. Mae’r plot yn dda, ac yn arwain chi ar hyd drywydd nes iddyn nhw (y ditectifs) darganfod ryw ddarn o wybodaeth newydd.


Doeddwn i ddim wedi sylwi bod Gareth Evans wedi ysgrifennu llyfr arall gyda’r un cymeriadau – Llafnau – a darllenais hwn heb sylwi mai’r un awdur oedd wedi ei ysgrifennu. Ond dwi ddim yn meddwl ei fod o gystal a’r Llwybr.

Monday 2 April 2012

Yn yr ardd: sychder


Mewn ychydig mi fydd waharddiad yn erbyn defnyddio peipen ddwr rwber yn yr ardd (neu unlle arall!) Does dim llawer o law wedi bod o gwbl - a doedd dim llawer llynedd chwaith. Felly mae'r pridd yn sych iawn erbyn hyn. Mae gennyn ni ddwy gasgen dwr yn yr ardd cefn, ond mae'r dwr ynddyn hhw wedi mynd ers dipyn. Felly dwi wedi bod yn trio defnyddio "mulch" lle mae o'n bosib. Hynny yw, unwaith mae'r pridd yn wlyb, rhoi rhywbeth arno fo i gadw'r lleithder i mewn. Felly dwi wedi arbrofi efo defnyddio papur newydd gwlyb a rhoi compost (o'r ardd) ar ben y papur newydd. Dwi wedi gwneud hyn hefo'r gwely garlleg - ond mi gymerodd eisoes! (A llawer o gompost!!) Ond mae o'n edrych yn dda - a. gobeithio bydd yn helpu.